Joseph Pastor Lyaruu Kugombea Udiwani Kata ya Kilema Kati kupitia CHADEMA

Mwalimu na mkulima wa siku nyingi toka Kijiji cha Immi Kata ya Kilema Kati Ndugu Joseph Pastor Lyaruu, ametangaza nia ya kugombea udiwani kupitia Chama cha Demokrasia na Maendeleo-CHADEMA katika uchaguzi mkuu utakao fanyika baadae mwaka huu. Akizungumza na blog hii Ndugu Joseph ameweka hadharani baadhi ya vipaumbele vyake endapo atateuliwa kugombea kupita CHADEMA na kushinda uchaguzi huo hapo baadae mwaka huu. Miongoni mwa vipau mbele vyake ni pamoja na kuhakikisha wananchi wanaondokana na kilimo cha mazoea na kuongeza tija kwenye kilimo. Pia amesema atahakikisha anavutia wawekezaji wa hoteli za kitalii pamoja na kuhamasisha utalii katika eneo la Kilema hususani utalii wa ikolojia. Pia amesema atashirikiana na wadau wengine kuongoza kampeni ya kuhifadhi mazingira na kuomba majengo ya kale yaliyoko Kilema kuingizwa katika maeneo nyeti ya uridhi wa dunia kupitia shirika la umoja wa mataifa la UNESCO.